أكاديمية د. عبدالرحمن المرسيابدأ من حيث انتهى الآخرون
كورس عملي في 100 حلقة قصيرة

من عادي إلى استثنائي

دليل عملي لبناء شخصية ناجحة في الشغل والحياة، من واقع تجارب حقيقية في البيع وخدمة العملاء وإدارة الفريق.

ابدأ من حيث انتهى الآخرون
شراء مرة واحدةتتفرج من الموبايلشهادة فيها نتيجتك
عرض لفترة محدودة
5000 جنيه1000 جنيه
0يوم
00ساعة
00دقيقة
00ثانية
بعد ما العرض يخلص، السعر يرجع 5000 جنيه. العرض لحد آخر يوم 31 ديسمبر 2026.
السعر 5000 جنيه
” الشغل من غير هدف واضح بيستهلك العمر بهدوء… من غير ما يبني مستقبل حقيقي.
د. عبدالرحمن أسامة المرسي، من كتاب «من عادي إلى استثنائي»
حكاية الكورس

أنا عملت المحتوى ده…
عشان في يوم من الأيام كنت محتاجه لنفسي.

كنت محتاج أتعلّم حاجة تفيدني في شغلي، وتساعدني أفهم وأتصرّف بشكل أحسن. دورت كتير، ودفعت فلوس هنا وهناك، وكل مرة كنت بدخل بأمل إني ألاقي اللي محتاجه.

لكن كنت بقابل نفس المشكلة: محتوى كبير، ومصطلحات تقيلة، وشرح محتاج حد يشرحهولي الأول!

ممكن يكون المحتوى مفيد، لكن طريقته وقتها كانت أكبر من استيعابي. وأنا كنت محتاج حد يكلّمني ببساطة، ويقرّب لي الفكرة بموقف أعرفه، ويفهمني أستفيد منها إزاي في شغلي.

ومن هنا بدأت فكرة «من عادي إلى استثنائي».

من محاضرات كنت بقدّمها للموظفين عندي، ومن مواقف بنعيشها في الشغل، وأسئلة بتتكرر، وأخطاء بنقع فيها… بدأت أجمع محتوى يوصل للناس بالطريقة اللي كنت أتمنى حد يعلّمني بيها.

لغة بسيطة، وأمثلة من الواقع، وخطوات تقدر تبدأ تطبّقها.

سواء كنت موظف جديد لسه بتبدأ، أو عندك خبرة وعايز تطوّر نفسك. سواء بقيت مسؤول، أو مشرف، أو مدير. وحتى لو صاحب عمل، هتلاقي أفكار تساعدك تفهم موظفيك، وتوجّههم، وتتعامل مع المواقف اليومية بوعي أكبر.

لأننا ممكن نكون عارفين شغلنا كويس، لكن لسه محتاجين نتعلّم:

  • نسمع الملاحظة إزاي؟
  • نتصرف وقت الضغط إزاي؟
  • نصلّح الغلط إزاي؟
  • ونخلي تعبنا ماشي في اتجاه واضح؟

وعشان التعلّم يفضل خفيف ومفيد، فكرت أقدّم السلسلة في حلقات قصيرة، كل حلقة فيها فكرة واضحة، ومثال من الشغل يقرّبها لك.

تسمع، وتفهم، وتجرب…
وبعدها ترجع تكمل وإنت شايف معنى اللي بتتعلمه.

د. عبدالرحمن
100حلقة، من 45 لـ90 ثانية
9أجزاء، من الهدف للترقية
أسئلةعلى كل حلقة
شهادةفيها نتيجتك
الكورس ده لمين؟

لأي حد شغله مع ناس، وعايز يبقى أحسن

موظف جديد لسه بيبدأ

عايز تبدأ صح، وتبني عادات تخلي وجودك يفرق من أول يوم.

عندك خبرة وعايز تطوّر نفسك

عارف شغلك كويس، بس عايز تعرف تسمع الملاحظة، وتتصرف وقت الضغط، وتصلّح الغلط.

مسؤول أو مشرف أو مدير

عايز تسمع لفريقك وتوجّهه، والمشكلة تتحل قبل ما تكبر.

صاحب عمل

هتلاقي أفكار تساعدك تفهم موظفيك، وتوجّههم، وتتعامل مع المواقف اليومية بوعي أكبر.

الفكرة

طيب، يعني إيه «من عادي إلى استثنائي»؟

يعني تبدأ تشوف نفسك وقدراتك بشكل أوسع، وتبني في نفسك عادات تخلي وجودك يفرق.

تبقى الشخص اللي الناس تثق في كلمته، وتطمن لشغله. اللي لما يغلط يعرف يعترف ويصلّح، ولما يتوجّه يسمع ويتعلّم، ولما يقابل مشكلة يفكّر في خطوة تساعد على حلّها.

يعني يبقى عندك هدف، وتعرف إيه اللي محتاج تطوّره عشان تقرّب منه.

والشخص الاستثنائي ممكن يكون موظف جديد، لكنه ملتزم وبيتعلم. وممكن يكون مشرف يعرف يسمع لفريقه ويوجّهه. وممكن يكون صاحب عمل بيطوّر طريقته في الإدارة زي ما بيطلب من موظفيه يطوّروا أداءهم.

الاستثنائية بتتبني في التفاصيل اللي بتكررها كل يوم.

في أمانتك لما محدش بيراجع وراك.
في اهتمامك بتفصيلة كان ممكن تعدّي.
في هدوئك وقت موقف صعب.
وفي استعدادك تقول: «أنا محتاج أتعلّم».

كل تصرّف من دول بيضيف لرصيدك: ثقة، وخبرة، وقيمة، وأثر طيب في الناس اللي حواليك.

+ ثقة+ خبرة+ قيمة+ أثر طيب
محتوى الكورس

9 أجزاء بالترتيب

كل جزء بيبني على اللي قبله. دوس على أي جزء تشوف حلقاته. الحلقات طالعة من محاضرات حقيقية، ومتقطعة لأفكار قصيرة، كل واحدة في دقيقة تقريبًا. وبتنزل على دفعات، وكل دفعة بتتضاف لحسابك أول ما تجهز.

1ابدأ من جواكالهدف والعقلية اللي بتفرق بين الموظف العادي والاستثنائي.10 حلقات · 1–10
  1. 1
    انت شغال ليه؟
    السؤال اللي بيحدد شكل شغلك وحياتك.
  2. 2
    شايف نفسك فين بعد سنتين؟
    هدف يومي وأسبوعي وشهري، وهدف لمدى الحياة.
  3. 3
    سنة ورا سنة في نفس المكان
    خطورة الشغل بنظام اليوم بيومه.
  4. 4
    تنفيذ المطلوب مش كفاية
    ليه اللي بينفذ المطلوب وبس مش ناجح.
  5. 5
    سر فنجان القهوة
    لما تفهم دورك صح، شغلك كله بيتغير.
  6. 6
    اخرج برا الصندوق
    أول عقدة في طريق النجاح: إنك تقفل على نفسك.
  7. 7
    المشكلة في المدير ولا فيك؟
    غياب الهدف بيخليك تلوم كل اللي حواليك.
  8. 8
    الهدف غذاء النفس
    ليه بتجهز لخروجة بحماس وما بتجهزش لشغلك بنفس الحماس.
  9. 9
    مرتبك حصيلة الشهر اللي فات
    اللي بتزرعه النهاردة هو اللي بتقبضه بعدين.
  10. 10
    المواعيد بداية النجاح
    الالتزام بالميعاد أصغر هدف وأول خطوة.
2اعرف زبونككل زبون ليه طريقة، والشاطر بيعرف يتعامل مع كل نوع.9 حلقات · 11–19
  1. 11
    كل زبون له أسلوب
    غيّر أسلوبك انت على حسب اللي قدامك.
  2. 12
    الزبون المتفرج
    ادّي له مساحة واهتمام من غير ضغط.
  3. 13
    الزبون المستعجل
    محتاج منك سرعة وتركيز.
  4. 14
    اشترى قطعة وخرج
    ليه ده ممكن يكون فشل مش نجاح.
  5. 15
    عرّفه عندك إيه
    حتى لو جاي لقطعة واحدة، وريه اللي عندك.
  6. 16
    الزبون المتردد
    ادّي له ثقة في نفسه الأول، قبل ما تطلب منه يثق فيك.
  7. 17
    طمّن المتردد
    امدح اختياره بصدق، وبعدها اعرض عليه البديل.
  8. 18
    الزبون العصبي
    زي النار: ارجع خطوة، واهدى عكسه، ولو مش قادر هات اللي يقدر.
  9. 19
    لما الزبون يقول «غالي»
    اشرح القيمة أو اعرض بديل بهدوء ورُقي.
3رحلة الزبونمن أول ابتسامة على الباب لآخر كلمة وهو خارج.11 حلقة · 20–30
  1. 20
    ابتسامتك مالهاش علاقة بمزاجك
    أول حاجة الزبون بيشوفها منك وهو داخل.
  2. 21
    سيب همومك برا الباب
    افصل حياتك الشخصية عن شغلك، وحديث التبسّم هيتكتب بنصه الصحيح على الشاشة.
  3. 22
    عينه وقعت على إيه؟
    ركّز مع اللي لفت نظره وادخل له منه.
  4. 23
    ادّي له ثقة في اختياره
    كلمة صادقة عن ذوقه بتطمّنه وتقرّبه من الشراء.
  5. 24
    ساعده وما تفرضش رأيك
    اقترح وشجّع، والقرار في الآخر للزبون.
  6. 25
    «اتفرج عندنا» بتمشّيه
    3 أسباب بتخلي الزبون يمشي لما طلبه مش موجود.
  7. 26
    ما تقولش «مفيش»
    اعرض البديل الأول، قبل ما يسمع إن طلبه مش موجود.
  8. 27
    عايز قطعة محدش فتحها
    افهم طلبه من غير ما يقوله، واحترمه.
  9. 28
    الزبون الصعب رزق
    واحد بياخد دقيقة وواحد بياخد ساعة، وصبرك هو الاختبار.
  10. 29
    البيعة ما بتخلصش عند الكاشير
    تابعه لحد ما يدفع ويخرج مطمّن.
  11. 30
    سيب له سبب يرجع
    كلمة حلوة في الآخر بتعلّقه بيك وبالمكان.
4فن البيعمن مناولة الطلب لعرض المنتج وإقناع الزبون.10 حلقات · 31–40
  1. 31
    انت بائع مش مناول
    اعرض وأقنع، وما تستناش الزبون يطلب.
  2. 32
    اعرف منتجك تعرف تقنع
    قوتك في معلوماتك، من غير غش ولا كلام مش حقيقي.
  3. 33
    الطقم التالت
    زبونة كل اللي كانت عايزاه إن حد يهتم بيها.
  4. 34
    طلبه موجود ومشي ليه؟
    قدّم له اختيارات قبل طلبه وبعده.
  5. 35
    ما تسيبوش يمشي
    لو ما قدرتش تبيع، ادخّل زميلك يكمل معاك.
  6. 36
    الزبون رقم واحد
    الزبون أولوية مهما كان شغلك إيه.
  7. 37
    مش عارف المعلومة؟ ما تقولهاش
    اتعلم الأول، واتصرف بذكاء لحد ما تعرف.
  8. 38
    التوجيه الغلط
    تلفّه فوق وتحت أو تديه مقاس غلط، فتخسره.
  9. 39
    «مش ناوي يشتري»
    ما تحكمش على الزبون وتسيبه.
  10. 40
    استقبال الزبون بنظام
    واحد قدام وواحد جنبه، من غير ما تضايقوه.
5المواقف الصعبةالمرتجعات، والأسلوب وقت الضغط، والكلمة اللي بتكسب أو بتخسر.10 حلقات · 41–50
  1. 41
    المرتجع مش مشكلة
    طريقتك في المرتجع أقوى دعاية لمكانك.
  2. 42
    موقف الهودي
    افتح حوار وافهم السبب قبل ما ترفض.
  3. 43
    موقف الشال
    زبونة خرجت راضية ورجعت تشتري بفاتورة كبيرة.
  4. 44
    الأسلوب الناشف
    كلمة ناشفة ممكن تخسرك زبون.
  5. 45
    الضحك قدام الزبون
    الزبون ممكن يفتكر إنك بتضحك عليه.
  6. 46
    وشك بيتكلم
    تعبيرات وشك بتوصل قبل كلامك.
  7. 47
    لما تتضغط
    تطلّع غضبك فين من غير ما الزبون يحس.
  8. 48
    3 زباين قدامك مرة واحدة
    رحّب بالكل، وادّي كل واحد اهتمام، وقدّم المستعجل.
  9. 49
    التدخل بأسلوب رقيق
    تنبّه الزبون إزاي من غير ما تحرجه.
  10. 50
    احترم الكبير والصغير
    طريقة الكلام مع كل الناس مهما كان سنهم.
6عادات لازم تبطلهاالسلوكيات اللي بتوقف تقدمك من غير ما تاخد بالك.13 حلقة · 51–63
  1. 51
    الجدال الزايد
    نفّذ الأول وناقش بعدين.
  2. 52
    التكاسل
    المبادرة هي اللي بتفرق.
  3. 53
    الأعذار
    قول «ما خدتش بالي» وهتتعلم أكتر.
  4. 54
    الموبايل وقت الشغل
    ربع ساعة على الموبايل ممكن تضيّع بيعة.
  5. 55
    الزبون دخل والتليفون في إيدك
    الزبون قبل أي مكالمة، إلا في الضرورة القصوى.
  6. 56
    سامعه وما بتردش؟
    رد بكلمتين حلوين، حتى لو مشغول مع غيره.
  7. 57
    قاعد والزبون واقف
    احترام الزبون أهم من كوباية الشاي.
  8. 58
    السخرية من التعليمات
    التريقة على النظام بتصغّر صاحبها.
  9. 59
    معترض؟ اعترض صح
    وضّح برفق، وبينك وبين المسؤول.
  10. 60
    لو اعترضت قدام الزبون
    نفّذ الأول، لأن الخلاف قدامه بيضيّع ثقته فيكم كلكم.
  11. 61
    الهزار التقيل
    هزار النهاردة بيبقى خناقة بكرة.
  12. 62
    الطاقة السلبية
    الكلام السلبي عن الشغل والزملاء بيأذيك انت الأول.
  13. 63
    الإصرار على الرأي
    التفكير من زاوية واحدة بيوقفك مكانك.
7فريق واحدإزاي تشتغل مع زمايلك وتكسبوا كلكم.16 حلقة · 64–79
  1. 64
    ولا تنازعوا فتفشلوا
    الخلاف بين الزملاء أول طريق الفشل.
  2. 65
    الخصام بيضيّع الخير
    حديث ليلة القدر: خصام رجلين رفع علمها، والنص الصحيح مكتوب على الشاشة.
  3. 66
    حكاية العربية
    مين فيهم شغال صح؟ النجاح بيعم على الكل.
  4. 67
    اعرف دورك
    مطلوب منك إيه وبترجع لمين؟ الدور الواضح شغل أسهل ومشاكل أقل.
  5. 68
    مش دورك تأمر زميلك
    حتى لو عارف الصح، ارجع للمسؤول.
  6. 69
    سايب مكانك لمين؟
    استأذن وسلّم مكانك لزميل قبل ما تتحرك.
  7. 70
    «دي زبونتي!»
    الزبون زبون المكان كله.
  8. 71
    ساعد من غير ما تحرج
    مساعدة زميلك ليها أصول قدام الزبون.
  9. 72
    اطلب واسمح وساعد
    التعاون مسؤولية مشتركة.
  10. 73
    اطلب باحترام
    ونفّذ الأول، وعاتب بعدين.
  11. 74
    خد بإيد زميلك
    ساعده يتحسن بدل ما تستغل غلطته.
  12. 75
    النهاردة أشيلك وبكرة تشيلني
    لو تعبان قول لزميلك قبل ما تأذي الشغل.
  13. 76
    الموظف الجديد
    انطباعه الأول بيتبني على تعاملك معاه.
  14. 77
    الجديد بيلقط منك الغلط
    انت قدوته، واللي يشوفه منك بيعتبره عادي.
  15. 78
    الجديد جنب السواق
    ما يقابلش الزبون لوحده غير تحت إشراف زميل.
  16. 79
    شجّع الجديد
    الرهبة بتروح بالتشجيع مش بالإحراج.
8حل المشكلاتمن الشكوى للحل، ومن الخلاف للصلح.10 حلقات · 80–89
  1. 80
    الشكوى ولا المشكلة؟
    الفرق بين نقل الضغط وحل المشكلة.
  2. 81
    ما تجيش بمشكلة من غير حل
    كل مشكلة معاها اقتراح حتى لو بسيط.
  3. 82
    الساكت عن الحق
    تبلّغ عن الغلط إزاي بطريقة محترمة.
  4. 83
    إزاي تنصح زميلك
    انصح، ووجّه، وبعدين ارجع للمشرف.
  5. 84
    اسمع قبل ما تنصح
    افهم وجهة نظره الأول.
  6. 85
    ما تاخدش النصيحة بحساسية
    النصيحة غالية حتى لو تقيلة عليك.
  7. 86
    اتكلم بعلم
    موقف من المسجد بيعلّمك ما تحكمش على غيرك من غير علم.
  8. 87
    لما تحصل مشكلة: هدفك إيه؟
    تصلّح الموقف ولا تثبت إنك صح؟
  9. 88
    اللي لك واللي عليك
    الإنصاف وانت بتحكي المشكلة.
  10. 89
    التنازل قوة
    سامح وابدأ صفحة جديدة.
9طريقك للترقيةمن مجرد وظيفة لمسار مهني بيكبر معاك.11 حلقة · 90–100
  1. 90
    الوظيفة ولا المسار المهني؟
    حوّل شغلك من دوام لطريق.
  2. 91
    استفدت إيه النهاردة؟
    سؤال آخر اليوم اللي بيطورك.
  3. 92
    النظام معمول عشانك
    النظام بيسهّل الشغل مش بيعقّده.
  4. 93
    النظام اللي بيميّزك
    مواعيدك وحقوقك وواجباتك وهدفك.
  5. 94
    اتعلم من غلط غيرك
    شوف الغلطة وما تكررهاش.
  6. 95
    بص للي أحسن منك صح
    حوّل الغيرة لدافع يخليك تتعلم.
  7. 96
    الخبير فرصة ذهبية
    قف جنبه واتعلم منه.
  8. 97
    الأهم قبل المهم
    رتب أولوياتك وقت الضغط.
  9. 98
    الترقية يعني إيه؟
    الكفاءة قبل المنصب.
  10. 99
    طالعين على السلم
    ما تقولش «هو اللي شدني».
  11. 100
    خطواتك من عادي إلى استثنائي
    ختام السلسلة: قدوة ونصيحة وهدف وعادة تكسرها.
إزاي الكورس بيمشي

حلقة صغيرة، وسؤال، وخطوة لقدام

  1. 1

    اشترك مرة واحدة

    تدفع مرة واحدة بس، من غير اشتراك شهري.

  2. 2

    اتفرج بالترتيب

    كل حلقة دقيقة تقريبًا. الموقع بيفتكر وصلت لفين، فتكمّل من نفس المكان من أي جهاز.

  3. 3

    جاوب الأسئلة

    بعد الحلقة أسئلة قصيرة من نفس الكلام، علشان تتأكد إنك فهمت.

  4. 4

    خد شهادتك

    لما تخلّص الحلقات والاختبارات، تقدر تاخد شهادة إتمام فيها نتيجتك، بمبلغ إضافي.

حسابيمثال
تقدّمك في الكورس23 من 100 حلقة
  • الجزء 1: ابدأ من جواكمكتمل
  • الجزء 2: اعرف زبونكمكتمل
  • الجزء 3: رحلة الزبونجاري · 4 من 11
  • الجزء 4: فن البيعلم يبدأ
الحلقة الجاية24 · ساعده وما تفرضش رأيك
كمّل
الشهادة

شهادة باسمك ونتيجتك

فيها إيه؟ اسمك، وإنك خلّصت الحلقات كلها، ونتيجتك في الاختبارات.

إمتى تطلع؟ أول ما تخلّص آخر حلقة واختبارها.

بكام؟ بمبلغ إضافي على سعر الكورس.

د. عبدالرحمن أسامة المرسي
المدرّب

د. عبدالرحمن أسامة المرسي

مؤلف كتاب «من عادي إلى استثنائي»

الكورس ده طالع من محاضرات حقيقية بيقدّمها لفريقه، من مواقف حصلت فعلًا في البيع وخدمة العملاء والإدارة.

  • الرئيس التنفيذي (CEO) لليسر للتجارة
  • 12 سنة خبرة في العمل والإدارة، واستشارات لأشخاص وشركات
  • دكتوراه في إدارة الأعمالCambridge International، امتياز مع مرتبة الشرف
  • ماجستير في إدارة الأعمالDiana International College بالمملكة المتحدة، امتياز مع مرتبة الشرف
  • إعداد القادة المحترفينAmerican Commission ACTPS
  • إعداد الباحث العلميRedvey Academy

شهادات منفصلة من ETDC

إعداد القادة واتخاذ القرارالتخطيطتحليل SWOTإدارة الوقتالقيادةحل المشكلاتالفرقالجودة
كتابمن عادي
إلى استثنائي
بقلم دكتور عبدالرحمن المرسي
الكتاب

وقريبًا، كتاب «من عادي إلى استثنائي»

تقدر ترجع له وتقرأه على مهلك. منه 3 نسخ:

نسخة للقراءة

قريبًا

نسخة ملونة

فيها صور ورسوم توضيحية بتقرّب لك المعنى، وتساعدك تتفاعل مع الأفكار وتستمتع بالقراءة.

قريبًا

نسخة إلكترونية

بسعر بسيط.

قريبًا

عشان تختار الشكل اللي يناسبك

السعر

تدفع مرة واحدة، والكورس كله ليك

عرض لفترة محدودة

الكورس كامل

5000 جنيه1000 جنيه
باقي على نهاية العرض: …
5000 جنيه شراء مرة واحدة، من غير اشتراك شهري.
  • ✓100 حلقة في 9 أجزاء، بتنزل على دفعات
  • ✓أسئلة على كل حلقة
  • ✓حساب بيحفظ تقدّمك من أي جهاز
إضافات اختيارية
شهادة الإتمام بنتيجتكبمبلغ إضافي
كتاب «من عادي إلى استثنائي»: للقراءة، أو ملون، أو إلكترونيقريبًا
اشترك دلوقتي بـ1000 جنيه التسجيل في الفترة دي بكود دعوة. لو معاك الكود، اكتبه في صفحة الاشتراك قبل ما تأكد الطلب.
أسئلة

أسئلة بتتسأل كتير

هو اشتراك شهري؟

لأ. بتدفع مرة واحدة بس.

العرض لحد إمتى؟

لحد ما العداد يخلص. بعدها السعر يرجع 5000 جنيه.

الحلقات كلها نازلة؟

بتنزل على دفعات. كل دفعة بتتضاف لحسابك أول ما تجهز، من غير ما تدفع تاني.

أقدر أتفرج من الموبايل؟

أيوه. الحلقات طولية ومعمولة للموبايل، وكل حلقة دقيقة تقريبًا.

لو وقفت في النص، هبدأ من الأول؟

لأ. حسابك بيفتكر آخر حلقة وصلت لها، وكام حلقة خلّصت من كل جزء.

الشهادة فيها إيه؟

اسمك، وإنك خلّصت الكورس، ونتيجتك في الاختبارات. والشهادة بمبلغ إضافي على سعر الكورس.

أدفع إزاي؟

في الفترة دي التسجيل بكود دعوة. والدفع بالكارت البنكي أو المحفظة الإلكترونية هيفتح قريبًا.

الكورس ينفع لمجال شغلي؟

الأمثلة من البيع وخدمة العملاء والإدارة اليومية، والمبادئ نفسها تنفع في أي شغل فيه ناس وفريق.

ابدأ من حيث انتهى الآخرون

أول حلقة: انت شغال ليه؟

اشترك بـ1000 جنيه
أكاديمية د. عبدالرحمن المرسي© 2026
1000 جنيه 50005000 جنيهباقي على العرض: …
اشترك